Timu ya Civo United yati ili ndi kuthekera kodzidzimutsa timu ya FCB Nyasa Big Bullets nkuitulutsa mu mpikisano wa Airtel Top 8 pa masewero omwe alipo masanawa pa bwalo la Civo.
Mphunzitsi wa timuyi Abas Makawa wati anyamata ake akonzeka ndipo otsatira timuyi abwere adzaone chipambana chawo.
Koma ku mbali ya timu ya FCB Nyasa Big Bullets, Callisto Pasuwa wati akudziwa bwino lomwe mphamvu ya timu ya Civo ndipo akudziwa bwino mothanirana nayo.
Awa ndi masewero achibwereza ndipo matimu awiriwa atakumana koyamba pa bwalo la Kamuzu, Bullets idapambana 2-0.
Wopambana masewerowa akuyembekezeka kukumana ndi wopambana pakati pa Kamuzu Barracks ndi Chitipa United omwe akumane mawa, masewero womwe Chitipa United ikutsogola 2-0 kuchokera m’masewero woyamba.
