By Burnett Munthali
Nduna yoona za malonda, a Vitumbiko Mumba, ayendera kampani ya Illovo Sugar Malawi yomwe ili ku Nchalo m’boma la Chikwawa.
Ulendowu wachitika ndi cholinga chofuna kudziwa zomwe zikuchititsa kusowa kwa shuga m’madera ena a dziko lino.
Pakadali pano, dziko la Malawi likukumana ndi mavuto akulu a kusowa kwa shuga m’masitolo ndi m’misika.
Zimenezi zachititsa kuti amalonda ena ayambe kugulitsa shuga pa mtengo wokwera kwambiri wa K4,500 pa kilo limodzi.
Read also: Crown Fashions To Close Shop Friday June 17
Read also: Government Commits to Supporting Free Media Ahead of Elections – Abida Mia
A Mumba akufuna kudziwa ngati kusowaku kuchitika chifukwa cha kuchepa kwa kupanga shuga kapena pali zinthu zina zomwe zikuchitika pakati pa opanga ndi ogulitsa.
Ulendowu wa ndunayu ukufunikanso kuti boma litheke kudziwa mmene kampani ya Illovo ikuyendetsera kupanga kwa shuga komanso momwe amagawira kumisika yosiyanasiyana.
Malinga ndi a Mumba, boma likufuna kuonetsetsa kuti palibe amene akubisala shuga kapena kugulitsa mwachinyengo kuti apeze phindu lochuluka.
A Mumba ati zolinga za boma ndi kuonetsetsa kuti msika wa shuga ukupindulira nzika zonse, osati ogulitsa okha.
Ulendo wa ndunayu ukuyembekezeka kupereka kuwala pa zomwe zikuchititsa mavuto a shuga komanso kuthandiza kupeza njira zothetsera vutoli.
Read also: Trump issues sweeping executive actions on first day back in office
Read also: Kamphangala describes Bingu wa Mutharika as ta statesman
Read also: FDH enhances Chingale forest cover
