Wolemba: Racheal Julaye
Anthu osadziwika akuganizilidwa kuti aba m’modzi mwa akukuakulu a kampani ya Universal Industries Muhammad Kasman lachitatu mu mzinda wa Lilongwe.
Mneneri wa polisi ya Lilongwe Hastings Chigalu watsimikiza za nkhaniyi pomwe wati Kasman yemwe ndi mzika ya Britain, wabedwa akuchokera ku mzikiti mu mzindawu.
”Pakadali pano tapeza iPhone ya a Kasman koma sititchula pomwe taipeza poti izi zitha kusokoneza kafukufuku,” watero Chigalu.
Iye wati Kasman amayendetsa galimoto la mtundu wa Toyota Fortuner CP 10842 ndipo anadabwa kuona kuti nsewu watsekedwa kutsogolo ndi anyamata omwe amaguza ngolo ndipo atatuluka kuti akaone ndi pomwe anthuwa anamugwira ndikumulowetsa m’galimoto yawo.
Chigalu wati pakadali pano kafukufuku Ali mkati kuti adziwe cholinga cha anthuwa komanso kupulumutsa bamboyu.
